វិទ្យាស្ថានពហុបច្ចេកទេសខេត្តព្រះសីហនុ (PIP) គឺជាគ្រឹះស្ថានបណ្តុះបណ្តាលបច្ចេកទេស និងវិជ្ជាជីវៈរបស់រដ្ឋក្នុងខេត្តព្រះសីហនុ។ ដែលបានបង្កើតឡើងតាំងពីឆ្នាំ ២០០០ រហូតដល់បច្ចុប្បន្ន វិទ្យាស្ថាន បានធ្វើការបណ្តុះបណ្តាលជំនាញបច្ចេកទេស និងវិជ្ជាជីវៈ ដែលមានកម្រិតចាប់ពីមូលដ្ឋានបច្ចេកទេស រហូតដល់កម្រិតបរិញ្ញាបត្របច្ចេកវិទ្យា ឬវិស្វករ។

វិទ្យាស្ថានពហុបច្ចេកទេសខេត្តព្រះសីហនុ មានទីតាំង សិ្ថតនៅក្នុង ក្រុម ១៥ ភូមិ ២ សង្កាត់ ៣ ក្រុងព្រះសីហនុ ខេត្តព្រះសីហនុ មានចំងាយប្រមាណជា ២០០ម៉ែត្រ ពីវិថីឯករាជ្យ ដោយធ្វើដំណើរចូលតាមផ្លូវអណ្តូង អ៊ុនតាក់និងជាប់របងសាលាគរុកោសល្យ និងវិក្រឹតការខេត្តព្រះសីហនុ ខាងត្បូងជាប់នឹងរបងសាលាបឋមសិក្សា ហ៊ុនសែនក្រុង។